Zumarragako
udala

ABENDUAREN 5EAN ETA 12AN EGINGO DA ZUMARRAGAKO AZOKA, ETA OSTIRAL HONETAN BANATUKO DIRA ZB AZOKAREN V. EDIZIOKO SARIAK

Zumarragako Azokak bere egutegia aldatuko du datozen asteetan, jaiegun eta ospakizun tradizionalekin bat egiten duelako, eta, une oro, tokiko produktuarekiko eta herritarrentzako zerbitzuarekiko konpromisoari eutsiko dio.

Aste honetako Azoka: abenduaren 5ean, ostiralean

Abenduaren 6a jai-eguna denez, Azoka abenduaren 5era, ostiralera, aurreratuko da. Ordutegia ohikoa izango da.

Gainera, egun berean, 10:00etatik 12:30era, ZB Azokaren V. edizioko sari-banaketa egingo da. Ekitaldia Hiruki pareko kioskoan izango da.

Santa Lutzi feriaren astea: abenduaren 12an egingo da Azoka

Santa Lutzi feriaren ospakizuna dela eta, asteburu horri dagokion Azoka abenduaren 12an, ostiralean, egingo da. Ordutegia mantenduko da, baina kokapenean aldaketak egongo dira:

• Baserritarrak: Nabean.
• Plazako elikagai-postuak: Zelai Arizti plazan.
• Arropa eta ehungintzako postuak: Trintxera plazan.

Ohiko eskaintza eta balizko aldaketak

Azokak bere produktuen ohiko aniztasuna eskainiko du: bertako elikagai freskoak, produktu ekologikoak, ehungintzako artikuluak eta loreak.

Hala ere, beste azoka eta jarduerekin batera tokatzean, zenbait postu ez egotea posible da.

KLIK eta JASO zerbitzua erabilgarri

Azokara joan ezin duten herritarrek KLIK eta JASO armairu-zerbitzua erabili dezakete. Eskaerak zuzenean postuetan egin daitezke, eta produktuak banaketa-puntuan nahi den ordutegian jaso. Informazio osoa eskuragarri dago: www.zumarragakoazoka.eus.

Herritarrentzako gonbidapena

Antolakuntzak herritarrak animatzen ditu Azokara gerturatzera eta bertako ekoizleei eta tokiko merkataritzari babesa ematen jarraitzera.