APAINGARRI SOLIDARIO BAT - ZUMARRAGAK PROIEKTU PILOTU BAT JARRI DU MARTXAN MENDIZABALEN HERRITARREN ARTEKO ELKARBIZITZA SUSTATZEKO
2024·12·18
Zumarragako Udalak, Gizarte Zerbitzuen arloaren bitartez, proiektu pilotu bat jarri du martxan Mendizabal industrialdean, auzotarren arteko bizikidetza suspertzeko eta adinekoen bizi-kalitatea hobetzeko.
El Salvador Gizarte Etxeko eskulan- eta memoria-taldearekin lankidetzan, proiektuaren lehenengo jarduketetako bat egin da: paperarekin egindako Gabonetako bolak egin dira, hartzaile bakoitzarentzako mezu pertsonalizatuak dituztenak. Gabonetako bola horiek aldez aurretik aukeratutako Mendizabal Industrialdeko herritarren eta eragile sozialen artean banatuko dituzte taldeko kideek.
Ekimen honen helburua ez da bakarrik Gabonetan auzokideei eskerrak ematea eta laguntzea, baizik eta nahi ez den bakardadea prebenitzea eta sare komunitarioa indartzea. Zumarragako Udalak bere konpromisoa berretsi du herritar guztientzako ingurune inklusiboago eta solidarioago bat sortzeko.