Zumarragako
udala

ARTIZ AUZOKO 24-32KO BERRURBANIZAZIO-OBREK ERRITMO ONEAN JARRAITZEN DUTE AURRERA

Mikel Serrano: aurreikusitako lan guztien %30 osatu da, gutxi gorabehera, eta lan guztiak urtarrilaren amaieran amaitzea aurreikusten da.

Campezo Obras y Servicios, S.A.ri 278,931,23 €-ko aurrekontuarekin esleitutako berrurbanizazio-obrek aurrera jarraitzen dute. Obra horiek irailaren 19an hasi ziren, eta aurreikusitako lan guztien % 30 inguru osatu dela estimatu daiteke.

Aurreratu zen moduan, oro har, obra honen bidez kalearen zeharkako sekzioa homogeneizatu nahi da, irisgarritasunari buruzko araudia betez eta orain arte ez zuen uniformetasuna emanez. Goiko eta beheko auzoak lotzeko ardatz moduan ere jokatuko du, geltoki intermodalerako eta hirigunean dagoen tokiko merkataritzarako zuzeneko sarbide gisa. Nolabait, Zumarragako udalerrirako edo, gutxienez, hirigunerako bigarren sarrera moduko bat izango da.

Gogoratu behar da, oro har, Mikel Serrano alkateak azaldu duen bezala, “obra honekin lortu nahi dena kalearen zeharkako sekzioa homogeneizatzea dela, irisgarritasunari buruzko araudia betez eta orain arte ez zuen uniformetasuna emanez, goiko eta beheko auzoak lotzeko ardatz moduan ere jokatuko du, geltoki intermodalerako eta hirigunean dagoen tokiko merkataritzarako zuzeneko sarbide gisa. Nolabait, Zumarragako udalerrirako edo, gutxienez, hirigunerako bigarren sarrera moduko bat izango da”.

Gaur egun, musika eskolaren aurretik doan zati berritua eta trenbidearen azpiko oinezkoentzako pasabidea lotzen dituen espaloi osoa eraitsi da. Espaloi berriak gutxienez 2 metroko zabalera izan dezan behar diren zolata eta hegala egin dira. Eremu horretatik igarotzen diren azpiegitura-sareen kanalizazioak ere amaitu dira, hala nola argiteria eta udal-zuntz optikoa. Eremu honetan, lerrokadura berriak definitzen dituen beharrezko zintarriaren zati handi bat jarri da. Eremu horretako lanekin jarraituko da, espaloia zolatuz, eskailerak berrituz eta hiri-altzari egokiak jarriz, bai eta proiektatutako lorezaintza ere.

Julian tabernaren aurrealdean eraispen-lanak hasi berri dira. Dagoeneko, saneamenduko kanalizazio berriak egiten ari dira, bai euri-urenak, bai ur beltzenak.

Behin espaloi hau eraitsi eta berrituta, errepidearen beste aldekoa berretsi eta berrituko da. Galtzadan finkatze-lanak amaitu ondoren errepidea fresatuko eta asfaltatuko da, azkenik bide-seinale egokiak jartzeko.

Mikel Serranok adierazi duenez “lan guztiak urtarrilaren amaieran amaitzea aurreikusten da”.