Zumarragako
udala

Gipuzkoako Caritasek Zumarragara hurbilduko du aurtengo Gabonetan Taupa-Bira ekimena, pobreziaren errealitateaz sentsibilizatzea eta elkartasun keinuak sustatzea helburu duen kale ekintza, "Zure konpromisoak Gabonak argitzen ditu" lelopean. jarduera udalerrian ikusi ahal izango da abenduaren 29n, 11:00etatik 13:30era eta 16:30etik 19:30era, Zumarragako Plazan

Taupa-Biraren bihotza birziklatutako materialekin egindako Gabonetako zuhaitza izango da, non auzokideek desio, konpromiso eta ideiak dituzten txartelak zintzilikatu ahal izango dituzten komunitate justuago eta solidarioago bat eraikitzeko.

Gainera, Gipuzkoako Caritaseko boluntarioek eskainitako gune informatibo bat jarriko da, eta bertatik erakundearen proiektu sozialei eta boluntariotzan parte hartzeko aukerei buruzko informazioa eskainiko da. 

Musikaz, animazioz eta ekintza txikiz girotuta egongo da jardunaldia,espazio goxoa, komunitarioa eta adin guztiei irekia sortzeko helburuarekin. Caritas Gipuzkoak herritarrak eta herriko elkarteak animatu nahi ditu ekimena gerturatu eta zabaltzera.