EGOKITU ZURE BIZIKLETA DOAN ASTELEHENEAN, HILAK 16, EUSKADI PLAZAN "JARRI BIZIKLETA PREST MUGIREKIN"
2024·09·13
EGOKITU ZURE BIZIKLETA DOAN ASTELEHENEAN, HILAK 16, EUSKADI PLAZAN "JARRI BIZIKLETA PREST MUGIREKIN"
Ekintza horren helburua bizikleta garraiobide jasangarri gisa erabiltzea da, biztanleria aktiboago eta osasuntsuago bat bultzatuz.
Zumarragako Udalak, Mugikortasun, Turismo eta Lurralde Antolamendu Sailarekin eta Jasangarritasun Sailarekin batera, Mugikortasunaren Europako Astearekin bat egin du aurten ere. Oraingo honetan, bizikletak konpondu eta doitzeko doako zerbitzua eskaintzen du MUGI txartel pertsonalizatuen erabiltzaileentzat, bizikleta eguneroko garraiobide gisa erabiltzea sustatzeko helburuarekin.
Ekimen honen lehenengo geldialdia Zumarragan izango da, irailaren 16an, astelehena, Euskadi plazan. Azahara Dominguez Gipuzkoako Turismo diputatuak eta Mikel Serrano alkateak iragarri bezala, bizikletak konpontzeko jardunaldia egingo da 10:30etatik 14:00etara. Tailer-furgoneta bat eskuragarri egongo da MUGI txartel pertsonalizatua aurkezten dutenen bizikletei oinarrizko doikuntzak egiteko.
"Jarri zure bizikleta prest MUGIrekin" kanpainaren helburua ez da soilik bizikleta garraiobide jasangarri gisa erabiltzea sustatzea, baita matxura txikiengatik erabilerarik gabe geratu diren bizikletak berreskuratzera bultzatzea ere. Horrela, ibilgailu pribatuen erabilera murriztu nahi da, ingurumena gehiago errespetatuko duen mugikortasun-eredua sustatuz.
Aurreko edizioetan bezala, parte-hartzaileek kupoiak bete ahal izango dituzte atxikitako dendetan eta tailer mugikorrean, bi bizikletaren zozketan sartzeko, eta 50 euroko bi bonu txirrindularitzako materiala erosteko. Gainera, Gipuzkoako Garraioaren Lurralde Agintaritzarekin (GGLA) lankidetzan, 20 euroko 60 birkarga zozketatuko dira MUGI txartelerako.
Zumarragan, Zatika denda ekimen honi atxikitako establezimenduen artean dago.