Edukira joan
Mostrar/ocultar menú principal de navegación [eu]
Habiaratutako portletak
Berriak
Atzealdea

EUSKALDUN BERRIEI ERREKONOZIMENDUA

3
Zumarragako Udalak errekonozimendua egin nahi die euskadun berriei herriko gune bati “Euskaldun berriak” izena jarrita. Euskaldun berriek aukeratuko dute hiru guneren artean.

2016·10·23


2015eko azaroaren 26ko udaleko Plenoak Euskararen Eguneko adierazpen instituzionala onartu zuen aho batez. Bertan, helduaroan euskara ikastea erabaki duten herritarrei ERREKONOZIMENDUA egitea onartu zen, horretarako udalerriko kale, plaza, lorategi iturri, areto edo guneren bati EUSKALDUN BERRIAK izena jarrita. Hala prozesu parte-hartzaile bat abian jartzea adostu zen, protagonistak euskaldun berriak izango direlarik.
Hilabete hauetan, Euskara, Hezkuntza eta Gazteria batzordean Zumarragan dauden gune ezberdinak aztertu ondoren, hiru dira aukeratu diren proposamenak, herritarrek euren artean aukeratu dezaten. Jarraian lehentasun ordenarik gabe:
•    Sekundino Esnaola 12.-16. arteko parketxoa.
•    Izazpi auzoko 6. eta 3. arteko parketxoa.
•    Antioko interpretazio zentroko portxea.
Antzeman daitekeenez, bi parketak dira: kale neurketen arabera, bertan entzuten da euskara gehien herrian, eta bertan dago etorkizuna ere. Hirugarrena, Antioko Interpretazio zentroaren ataria, leku pribilegiatua Zumarragan.
Orain, aukeraketa prozesuan parte-hartzeko euskaldun berrien beharra dago. Euskaldun berri zentzurik positiboenean: helduaroan euskara ikasten aritu diren herritar guztiak, egun euskaraz bizi direnak eta horretaraino iritsi ez direnak. Eurengana iristeko hiru bide jorratuko dira:
1.    Urretxu-Zumarragako Udal Euskaltegian, bertan, ordu erdiko didaktika bat landuko da ikasle bakoitzak bere aukeraketa egin dezan.
2.    2015-16 ikasturtean udal euskaltegian ibili ziren zumarragarrei gutuna bidaliko zaie bozkarekin.
3.    Modu irekian, Zelai Ariztiko kultur etxeko sarreran kaxa bat egongo da urriaren 24tik 28ra (barne) bozkatu ahal izateko.
Parte-hartze prozesua urriaren 28an itxiko da. Behin bukatuta, bozkak zenbatu eta erabakia Zumarragako Udaleko Plenotik pasako da ofizialki onartzeko, eta abenduaren 3aren bueltan egingo da izendatze ekitaldia.
Euskaldun berriok, animatu, zuek zarete protagonistak!
1 2 3

Oharrak

KONPOSTAREN KALITATEA HOBETZEKO KANPAINA: KONPOSTA DOAN BANATUKO DA GARBIGUNEETAN

Edukiontzi marroien sarrailak aktibatzearekin batera  edukontzi marroietan binilo berezia jarriko da  grafikoki bertan zer bota daitekeen eta zer ez argitzeko eta bide batez...

EKAINAREN 1EAN EDUKIONTZI MARROIETAKO SARRAILAK AKTIBATUKO DIRA ETA TXARTELA BEHARKO DA

COVID-19 dela eta, martxoaren 17n  errefusa, organiko eta pixoihalentzako edukiontzietako  sarrailak  eta landa eremuetan dauden birziklaguneetako eta etxoletako ateak...

EUSKO LEGEBILTZARRERAKO HAUTESKUNDEAK 2020-07-12

Iragarki honen bitartez herritarroi aditzera ematen zaizue indarrean dagoen hautesle-zerrenda -udalerrian bizi diren hautesleak (CER) nahiz atzerrian bizi eta udalerri horretan erroldatuta...

OHIKO UDALBATZARRA 4/2020

LEKUA: Osoko Bilkuren aretoa EGUNA ETA ORDUA: 2020ko maiatzaren 19a, asteartea, arratsaldeko 19:00etan.   GAI ZERRENDA 1. UDAL ERREGELAMENDU OROKORRA: UDAL ORGANOEN BILERA...
Web edukia bistaratu