2025·09·12
GAZTE JAIALDIA: ZUMARRAGAKO GAZTE MUSIKA JAIALDIA GAZTEEN PARTAIDETZATIK SORTU DA
Udazkeneko kultur hitzordua, gazteen talentuari ikusgarritasuna emateko, tokiko programazioa sendotzeko eta elkartzeko eta adierazteko gune inklusibo bat sortzeko.
Diagnostiko parte-hartzaile batetik abiatuta egindako 2024-2027 Gazte Planaren esparruan, Zumarragako gazteriaren erronka eta behar nagusiak identifikatu dira. Prozesu horretatik sortu den ekimenetako bat udalerriko kultur eskaintza indartzeko proposamena izan da, gazteek diseinuan eta garapenean aktiboki parte har dezaten bultzatuz.
Eskaera horri erantzunez, eta sortu berri den Zumarragako Gazte Asanbladaren bultzadarekin, “Gazte Jaialdia” jaio da. Jaialdi musikal honen helburua da gazteen talentuari ikusgarritasuna ematea, haien parte-hartzea sustatzea eta udazkeneko kultur programazioa aberastea proposamen fresko, askotariko eta inklusiboekin.
“Gazte Jaialdia” topaketa, adierazpen eta sorkuntza artistikorako espazio gisa planteatzen da, non bertako gazteria izango den protagonista. Jaialdiak 4 eta 5 kontzertu bitartean izango ditu, horietatik 2 edo 3 Zumarragako taldeenak izango dira eta 1 edo 2 inguruko herrietakoak.
Parte hartu nahi duten taldeek eskaera posta elektronikoz bidali behar dute gazteria@zumarraga.eus helbidera, irailaren 12tik 26ra bitartean. Mezuan taldearen izena, taldekideen izen-abizenak eta harremanetarako datuak jarri beharko dira. Beste talde edo artista batzuk ere proposatu ahal izango dira, eta Udaleko Gazteria Zerbitzuak baloratuko ditu haien hautagaitzak.
Udalak gazte guztiak animatu nahi ditu “Gazte Jaialdian” parte hartzera, bai eszenatoki gaineko artista gisa, bai publikoaren parte gisa, gazteek eta gazteentzat pentsatutako kultur esperientzia elkarrekin gozatzeko eta eraikitzeko.