Zumarragako Gizarteratzeko eta Laneratzeko Ate Irekien Jardunaldia

Zumarragako Udalak, Gizarteratze Mahaia osatzen duten erakundeekin batera, Gizarteratzeko eta Laneratzeko Ate Irekien Jardunaldia antolatu berri du, gizarteratzea eta laneratzea, aniztasuna eta bizikidetza sustatzeko ekimen komunitarioa.

Herritarrei topaketarako, informaziorako eta elkarrizketarako gune bat aurkeztu zitzaien, non aktiboki parte hartu zuten Zumarragako Udaleko gizarte-zerbitzuetako eta ekonomia-sustapeneko arloek, Lanbidek, Osakidetzak, EPA Zumarragak, UGLE Eskolak, UGGASAk, Siderurgia Integraleko Langileen Fundazioak eta Zu mas Zaindu gizarteratze-enpresak.

jardunaldian, erakunde bakoitzak informazio-gune ireki eta irisgarri bat izan zuen, bere zerbitzuen katalogoa herritarrari hurbiltzeko. Ekimen hau lehen urratsa izan da Zumarragako gizarteratze-mahaia sortu zenetik erakunde horiek guztiek egiten duten lan bateratu eta koordinatua ikusarazteko.

Jardunaldiak agerian utzi zuen pertsona batzuek oraindik ere ez dituztela ezagutzen, gizarteratzeko eta laneratzeko prozesua erraztuko duen laguntza behar izan arren, osasun-arloan, prestakuntza-arloan, bete gabeko gizarte-premiak arintzeko eta lan-esperientziarako aukera eskaintzeko eskaintzen diren zerbitzu guztiak.

Hemen kontsulta dezakezu Zumarragako gizarte eta lan zerbitzuen gida:

Zumarragako gizarte eta lan zerbitzuen gida

Hemen ikus dezakezu jardunaldiaren laburpen bideoa:

Jardunaldi hori 2022az geroztik ekonomia, Lan eta Enplegu Departamentuko Gizarteratze Zuzendaritzak bultzatutako Zumarragako Inklusio Mahaiaren esparruan egiten ari den lanaren zati bat da, inklusio soziolaborala sektoreen arteko ikuspegitik sustatzeko helburuarekin.