2025·06·06
HAUR ETA NERABEAK, IRITZI EMATEN, ERABAKITZEN ETA ZUMARRAGA ERALDATZEN
Udaleko Haur eta Nerabeen Kontseiluaren bigarren osoko bilkurak gaztetxoak bihurtu ditu tokiko politikaren protagonistak, ‘Haurren Hiri Lagunaa’ seinaleztapenaren inaugurazio ofizialarekin batera ospatutako jardunaldi batean
Zumarragako Udalak gaur goizean ospatu du Haurren eta Nerabeen Udal Kontseiluko bigarren osoko bilkura, udaletxeko areto nagusian. Organo hau Ikastola, La Salle eta Gainzuri ikastetxeetako Lehen Hezkuntzako 5. eta 6. mailako 18 ikaslek osatzen dute.
Saio instituzionalaren ondoren, non parte hartu baitute Mikel Serrano alkateak, Iñaki Mendiluce gazteria zinegotziak eta Joseba Madariaga UNICEF Euskadiko presidenteak, taldea Zelai Arizti Kultur Etxera joan da dinamika parte-hartzaileekin jarraitzeko.
Pleno berezia izan da: Zumarragak inauguratu du ofizialki Haurren Hiri Laguna seinaleztapena Klara Larrañaga kalean, UNICEFek 2024ko abenduan emandako aitorpena. UNICEF Euskadiko presidentearen hitzetan:
“Eskerrik asko Zumarragari haur eta nerabeen eskubideak bermatzeko konpromisoagatik, haien parte-hartze errealerako espazioak sustatzen dituen politika lokal baten alde eginez, haurrak erdigunean jarriz eta haien gaitasunak guztiz garatzen lagunduz.”
Udal Kontseilua 2023–2026 Haurren eta Nerabeen Tokiko Planaren parte da, gobernantza eredu parte-hartzaile, inklusibo eta hurbilago bat eraikitzeko tresna gisa. Plan hau Nazio Batuen 2030 Agendarekin bat dator, eta haurren garapen integrala eta eskubideetan oinarritutako ikuspegia bermatu nahi ditu.
2024/25 ikasturtean zehar, Kontseiluak bereziki lan egin du herriko ikastetxeen arteko harremanak sendotzeko eta belaunaldien arteko topaketak sustatzeko, adibidez Haurren eta Nerabeen Astea, azaroan berriro ospatuko dena.
Mikel Serrano alkateak nabarmendu du “haurrak entzutea ez dela soilik bidezkoa, gizarte hobe bat eraikitzeko ezinbestekoa dela”, eta eskerrak eman dizkie parte-hartzaileei “ekarritako konpromisoagatik, ilusioagatik eta proposamenen sakontasunarengatik”.
Bestalde, Iñaki Mendiluce gazteria zinegotziak adibide oso esanguratsu bat aipatu du:
“Kontseiluan proposatu zuten Santa Isabel eguneko haurren danborradak parte-hartze txikia zuela. Txokolatada bat gehitzea proposatu zuten motibazio gisa, eta emaitza argia izan da: iaz 63 ume izatetik, aurten 134 izatera pasa gara. Oso eskertuta nago.”
Horrelako ekimenen bidez, Zumarragak sendotu egiten du haur eta nerabeekin duen konpromisoa, haiek udal politikaren erdigunean kokatuz eta haurtzarotik aktiboki parte hartzen duen herritartasunaren aldeko apustua eginez.