Zumarragako
udala

MIKEL SERRANO: “2020 – 2022 ALDIRAKO DIRULAGUNTZEN PLAN ESTRATEGIKOAK PERTSONENGAN 3.500.000€KO INBERTSIOA EKARRI DU”

“Martxan dauden lineei jarraipena emango die 2023 – 2025 Plan berriak, eta, horretarako, ia 1.000.000 euroko aurrekontua izango dugu 2023rako.”

Mikel Serrano alkateak eta Rosa Maiza Toki Administrazioko eta Herritarren Partaidetzako zinegotziak 2023 – 2025 Dirulaguntzen Plan Estrategikoa aurkeztu zuten. Tresna horrek Gobernu Planaren helburuetan aurrera egitea ahalbidetzen du, eta urteko aurrekontuetan ere islatzen da.

Alkateak gastu publikoaren, dirulaguntzen, kudeaketan eraginkortasuna eta efizientzia hobetzeko tresna honen ildo nagusien berri eman zuen.

Serranoren adierazpenen arabera, gobernu-taldeak udalerriko herritarrekin eta haren garapen sozioekonomikoarekin duen konpromisoaren erakusle da plan hau, behar handiena duten sektoreei modu eraginkorrean lagunduz, garapen sozial, ekonomiko eta iraunkorrarekin konprometituz, interes orokorreko ekimenak sustatuz eta administrazioaren eta herritarren arteko interes publikoko jardueren kudeaketan lankidetza bultzatuz. “Lankidetza publiko-pribatu hori gabe, ezingo genuke aurrera eraman boluntariotza osoan egiten den eta oinarritzen den kultura- eta kirol-programazio zabal eta anitza, ez eta euskararen sustapena edo udalerrian dugun merkataritza-bizitzaren dinamizazioa ere.”

Lerro bakoitza helburuaren eta azken onuradunaren arabera diseinatu eta zuzentzen da. Progresibitate-irizpideak txertatuz eta beste administrazio batzuen laguntzen osagarri izanik. “Udalaz gaindiko administrazio-organoak iristen ez diren lekuetan udala iristen da”. Esan zuen Mikelek.

2020 – 2022ko planaren itxierak ia 4.000.000 euroko inbertsioa utzi digu pertsonengan, nahiz eta kultura- eta kirol-jarduera batzuk ezin izan ziren gauzatu bizi genuen konfinamenduaren ondorioz.

Mikelek ildo nagusiak azaldu zizkigun, lehenik eta behin, gizarte-ekintza eta berdintasuna izan ziren, 1.390.721€-ko inbertsioarekin, hau da, % 40; bigarrenik, garapen ekonomiko eta soziala sustatzea, 639.992€-rekin; hirugarrenik, kultura-jarduera sustatzea, 620.231€-rekin, eta, ondoren, euskara bultzatzea eta normalizatzea, 280.869 €-rekin; jarduera fisikoa eta aisialdia sustatzea 271.652 €-rekin; gazteak emantzipatzen laguntzea 250.000 €-rekin, eta gainerako lerroak, hala nola irakaskuntzarako sarbidea, ingurumena osasunean aztertzea eta udalerri irisgarriago bati laguntzea. “Lerro horiek, zenbatekoak txikiagoak izan arren, nahikoak dira beharra betetzeko, eta gainerakoen garrantzi berekoak dira.” Adierazi du Serranok.

2023rako 974.000 €erabili dira, eta horrek % 8,4ko igoera ekarri du (58.000 €) 2022an gaitutakoari dagokionez. “Aurrekontuak 2022ko eboluzioa kontutan hartuta  egokituak izan dira, eraginkorragoak eta efizienteagoak izaten saiatuz, urte honetarako ezinbestekoak ikusten ditugun herritarren beharrei erantzunez.” Nabarmendu zuen Serranok.

Ondoren, Rosa Maizak hartu zuen hitza, 2023ko plana osatzen duten 9 lerroen banaketan sakontzeko.

Legegintzaldian planteatutako erronkei erantzuna ematen dieten 9 lerro gisa definitu zituen Rosak, eta honako  helburu hauek dituzte:

Zumarraga integratzailea izatea, euskararen erabilera lotune gisa bultzatuz. Euskararen ikaskuntza eta erabilera sustatuz. 1. linea honek 88.400€ditu, aurreko jardunaldian baino 18.000€ gehiago.

Ongizateko Zumarraga izatea, bizi-kalitatea hobetuz eta zailtasun gehien izan ditzaketen kolektiboei lagunduz. Beharrizan-egoeran dauden pertsona eta/edo familientzako laguntzak bideratuz, asoziazionismoa eta gizarte-boluntariotza sustatuz eta berdintasuna sustatuz, adinekoen parte-hartzea eta integrazioa sustatuz, eta elkartasunezko ekimenekin eta hirugarren munduaren garapenarekin lankidetzan arituz. 3. lerro honek 382.000€-ko partida du, 2022an baino 70.000€ gehiago.

Zumarraga bizia izatea, kultur eskaintza anitza, kalitatezkoa eta berritzailea sustatuz, kultura eta auzo elkarteekin elkarlanean. Kultura- eta jai-jardueren garapena sustatuz. 4. linea honek 249.000€ ditu, 2022an baino 9.000€ gehiago.

Zumarraga Osasuntsua izatea, kirol erakundeekin lankidetzan, kirol eskaintza anitza sustatuz. Kirola eta aisialdiko jarduerak egiten lagunduz. 70.000€-ko 5. linea, aurreko ekitaldian baino 5.000€ gehiago.

Zumarraga lehiakorra izatea, erdigunean hiriko eta tokiko ekonomia jarriz, digitalizazioaren eta profesionalizazioaren berrikuntza bultzatuz. Ekintzailetza sustatuz merkataritza-sektorean eta lehen sektorean – Zuekin Merkatari-. I+G+B garatzeko lanetan, ETEen lehiakortasuna hobetuz – Zuekin Berritu-. Merkataritza biziberrituz, hutsik dauden lokalak dinamizatuz – Zuekin Berpiztu-. Merkataritza-establezimenduen modernizazioa babestuz – Zuekin Hazi-. Tokiko merkataritzan kontsumoa sustatuz – Zuekin Eskolara-. Ikaskuntza bereziki gizarte-ekonomian eta/edo jarduera estrategiko edo berritzaileetan sustatuz – Zuekin Sortzen-. Saltoki txikiei lagunduz, Gabonetako argiak jarriz eta alokatuz, Argixao industrialdeko ehun ekonomikoaren garapena eta sustapen ekonomikoa bultzatuz, unibertsitatez kanpoko prestakuntzarako bekak eskainiz eta, azkenik, kontsumoa sustatzeko laguntzak bideratuz - Zuekin Azoka-. 7. linea horrek 132.000€ditu, iaz baino 7.000€gehiago.

Gazteentzako aukeren Zumarraga izatea, herrian bizitza-proiektu bat garatu ahal izateko emantzipazioa bultzatuz. Etxebizitza alokatzeko laguntzak emanez eta autoenplegua sustatuz. 40.000€-ko 8. linea.

Azkenik, balio txikiagoa baina garrantzi txikiagoa duten hiru lerroak azaldu ditu. Irakaskuntzarako sarbidea erraztea, udalerri osasungarri eta irisgarri bat sortzen laguntzea du eta ingurumenaren papela aztertzea dira, bakoitza 7.200€, 2.410€eta 3.000€ kostuarekin, hurrenez hurren. 2, 6 eta 9 lerroak.

Rosa Maiza zinegotziak prentsaurrekoa amaitzeko Dirulaguntzen Plan Estrategiko berri honekin batera, hura arautzen duten Oinarri Orokorren aldaketa ere onartu dela jakinarazi zuen. Atal bat erantsita, zeinaren bidez herritarrek, administrazio-izapideetarako, beste edozein administraziok dagoeneko bere esku dituen dokumenturik ez dituzte aurkeztu beharrik izango. “Dagoeneko ez da beharrezkoa izango NAN/IFZren kopiarik, errolda-ziurtagiririk edo Gizarte Segurantzan edo Ogasunean egunean egoterik. Hori guztia, herritarrek laguntza-eskaerak errazago izapidetu ditzaten.” Amaitu zuen Maizak.

Lerro hauek Zumarragako web orriaren egoitza elektronikoan kontsulta daitezke - Tramiteak/dirulaguntzen eta laguntzen atalean edo atal bakoitzaren esparruan.