Eduki publikatzailea
Atzealdea POLIZIA NAZIONALAREN DOKUMENTAZIO UNITATE MUGIKORRA ZUMARRAGAN IZANGO DA URRIAREN 14AN
2026·10·05

Polizia Nazionaleko Dokumentazio Unitate Mugikorra urriaren 14an, asteazkena, Zumarragan izango da berriro, herritarrei NANarekin eta pasaportearekin lotutako izapideak herrian bertan egiteko aukera eskaintzeko.
Zerbitzua Euskadi plazan eskainiko da.
Hitzordua aldez aurretik eskatu beharko da. Izen-ematea urriaren 12an, astelehena, irekiko da, Zumarragako Udaltzaingoaren egoitzan, 08:00etatik 21:00etara, hitzordu guztiak bete arte. Hitzorduak eskaera-ordenaren arabera emango dira.
Unitate mugikorrean honako izapide hauek egin ahal izango dira:
-
NANa berritzea, iraungitzeagatik, galtzeagatik edo lapurretagatik.
-
Lehen NANa egitea.
-
Pasaportea egitea edo berritzea.
Gainera, NAN elektronikoarekin lotutako zenbait kudeaketa hitzordurik gabe egin daitezke.
Zerbitzu honen bidez, herritarrek dokumentazioarekin lotutako izapideak Zumarragan bertan egin ditzakete, Polizia Nazionalaren beste bulego batzuetara joan beharrik gabe.

