2026·02·27
Zumarragako Udalak jakinarazten die zergadun guztiei 2026ko Trakzio Mekanikozko Ibilgailuen Udal Zergaren (TMIZ) ordainketa egiteko borondatezko epea martxoaren 2tik apirilaren 23ra bitartean egongo dela zabalik.
Helbideratu gabeko ordainagiriak zergadunek adierazitako helbidera bidaliko dira, eta ordainketa banku eta aurrezki kutxa laguntzaileen bidez egin beharko da, horretarako ordainagiria aurkeztuta.
Ordainagiria jaso ez dutenek Udaleko Zergabilketa Bulegoan eskatu ahal izango dute, Euskadi Enparantza 1ean, jendearentzako ordutegian: astelehenetik ostiralera, 9:00etatik 14:00etara, larunbatak eta jaiegunak izan ezik.
Borondatezko epea amaituta zorra ordaindu ez bada, premiamenduzko prozeduraren bidez exijituko da, eta epe exekutiboko errekarguak, berandutza-interesak eta, hala badagokio, kostuak aplikatuko dira.
Datu nagusiak
- Udalean erregistratutako ibilgailuen kopurua 6.028koa da, horietatik 5.067 turismoak direlarik.
- 2026ko ekitaldirako aurreikusitako kuota garbia guztira 706.927,93 eurokoa da.
Zumarragako Udalak herritarren lankidetza eskertzen du, eta gogorarazten du zerga-betebeharrak betetzeak udal zerbitzuak mantentzen eta hobetzen laguntzen duela, guztion onerako.