Zumarragako
udala

Zumarragako Udalak, Gizarte Zerbitzuak eta Berdintasun Sailaren bidez, “Zaporeak eta Hitzak: Irakurketa lagun giroan” tailerra abian jarriko du Mendizabal industrialdean, taldean irakurketak partekatzeko interesa duten bertako bizilagunei zuzenduta. Saioak astelehenetan izango dira, 10:30ean, El Salvador Gizarte Etxeko tabernan, martxotik ekainaren amaierara arte. Ekimen honen helburua da nahi gabeko bakardadea prebenitzea, zahartze aktiboa sustatzea eta topaguneak sortzea. Arantxa González Gizarte Ongizate eta Berdintasuneko zinegotziak azpimarratu duenez, “tailer honek hurbiltasuna sortzen du, non adin eta ibilbide desberdinetako pertsonak elkartu, esperientziak partekatu eta irakurketaren bidez komunitatea eraiki dezaketen. Horrela, nahi ez den bakardadeari aurre egiten laguntzen duten loturak sustatzen dira, pertsona orori bere bizitzako une desberdinetan eragin diezaiokeen errealitatea baita.”

Proiektuak saioak dinamizatuko dituen boluntario baten laguntza izango du, giro hurbil eta parte-hartzailea sustatuz, non irakurketa parte-hartzaileen arteko lotura-puntu bihurtuko den. Arantxak gaineratu duenez, “horrelako ekimenek konfiantzazko espazioak sortzea ahalbidetzen dute, non pertsonek entzunak eta lagunduak sentitzen diren”. Gainera, tailerra esperientzia kolektibo honetan parte hartu nahi duen edonorentzat irekita dago. “Jarduera mota hauekin komunitate-sarea indartzen dugu”, adierazi du.

Saioek ordubete inguruko iraupena izango dute eta astero egingo dira ekainaren amaierara arte. Aurreikusitako egutegia honako hau da: martxoaren 23a eta 30a; apirilaren 13a eta 20a; maiatzaren 11, 18 eta 25a; eta ekainaren 1a, 8a, 15a eta 22a.

Lehenengo saioetan parte-hartzaileen irakurketa-maila baloratuko da, liburutegiko txartela lortzeko laguntza eskainiz eta e-liburutegiaren erabilera azalduz mugikor edo tableten bidez, betiere irakurketa errazeko materialetarako sarbidea bermatuz.

Halaber, boluntarioak herrian egingo diren lotutako jarduera kulturalen berri emango du, parte-hartze sozialerako aukerak zabalduz. Taldeak gehienez 20 parte-hartzaile izango ditu, eta saioren batera joaterik ez badago, gutxienez lau egun lehenago abisatu beharko da tailerraren jarraipena bermatzeko.