Zumarragako
udala

ZUMARRAGA BIDE BIZIA PROIEKTU TURISTIKOAK ARGIA IKUSI DU

Ibilbideak, pintxoak, leku interesgarriak, murgiltze esperientziak… Zumarraga bisitatzeko modu berri bat.

Rosa Maiza: Zumarraga Bide Biziak Zumarragak bisitariei eskaintzen dienari balioa ematen dio gune hau eta bere Azoka erdigunean jarriz, gure jatorria eta Zumarragak gizarte gisa eraiki duen modua, anitza eta plurala, azpimarratuz.

Daniel Solana: Euskadiko merkataritza- eta turismo-estrategiek ezartzen dizkiguten joeren erakusle da Zumarraga, baita turismo-eredu jasangarriarena eta hiri-ekonomia eta pertsonak hurbiltzen dituen merkataritza-estrategiarena ere.

Behin betiko urratsa eman da Zumarraga Bide Bizia marka turistikoaren hedapenean, bere ibilbideetan Zumarragako udalerria izan zenari, orain denari eta izan nahi duenari balioa ematen dioten 3 ibilbideren aurkezpenarekin. Ekitaldian Daniel Solana Basquetourreko zuzendariak, Rosa Maiza Zumarragako lehen alkateordeak eta Gaztelu Arquitectoseko Koldo Fernandez arkitektoak parte hartu dute.

Duela 7 urte hasi zen Zumarragako Udala tokiko merkataritza dinamizatzen, oro har, eta asteroko merkatuan, bereziki. Udalerriaren nortasuna eta jatorria ikusita, Zumarragako Azoka marka sortu zen. Horixe izan da Zumarraga Lotuz proiektuaren oinarria. Zumarragan turismo-estrategia bat zehazteko proiektua da, eta iazko urrian izan zituen lehen emaitzak, Zumarraga Bide Bizia marka turistikoaren aurkezpenarekin.

Maizak azaldu duenez, Zumarragako estrategia turistikoak udalerri osoa zeharkatzen duten 3 ibilbide biltzen ditu, hiru gairen inguruan taldekatuta. Komunikazio-plan bat ere badu, web-orri bat duena. Bertan, ibilbide horiei buruzko informazio zehatza aurkituko dugu, bai eta udalerriak dituen ostalaritzako, merkataritzako eta hoteletako baliabideei buruzkoa ere. Facebook, Instagram eta YouTubeko profilak ere baditu,  @zumarragabidebizia izenarekin.

Hiru ibilbide dira: industria-ibilbidea, hiri-ibilbidea eta ibilbide naturala, atzoko ekitaldian aurkeztu direnak, proiektu turistiko honen ardatz den baserritarren nabean. Izan ere, horiek guztiek, “jantzi eta apaindu dugun gune honetan dute abiapuntua, larunbatero gure baserritarrek eskaintzen diguten guztiari balioa emango dion espazioa izan dezaten, eta, aldi berean, beren produktua erostera datozenek, Zumarragak eskaini behar duen guztia sentitu eta ikus dezaten”, Rosa Maizak adierazi duenez.

Azokaren markaren definizioan oinarri izan diren elementuak, zura, zumea eta burdina, eta Zumarragaren jatorriaz eta garapenaz hitz egiten digutenak, nabearen zutabeetan irudikatuta daude, eta elementu horiekin egindako irudikapenez estali dira, Zumarragako historiaren kontakizuna eginez. Zutabeek gure iraganaren eta orainaren elementu bereziak irudikatzen dituzte: Antigua, trikitixa, zumearen ehuna, trenbidea eta Orbegozoko tximinia, guztiak Zumarragako ikurrak.

Bere hitzaldian, Basquetourreko zuzendari Daniel Solanak adierazi zuen Zumarraga Lotuzek udalerriaren eta bere inguruaren bultzada turistikoa dakarrela, hainbat ibilbideren bidez, turismo industrialaren, mendi-ibilbideen, ekoturismoaren edo turismo kulturalaren baliabide anitzak bateratzen dituena eta lurraldea fluxu-mugimendua sustatuz egituratzea bilatzen duena. Turismoaren bultzadari Azoka gehitzen zaio ibilbideen ardatz nagusi gisa eta kohesio-elementu gisa hiri-habitataren ikuskera berri batean.

“Zumarraga Lotuz-ek turismoa eta merkataritza erakunde transbertsal eta kohesionatu gisa integratzen jakin du, non hiri-ekonomia erdigunea den”, Daniel Solana BasqueTourreko zuzendariak azpimarratu duenez. “Hori dela eta, Euskadiko merkataritza- eta turismo-estrategiek ezartzen dizkiguten joeren, turismo jasangarriaren ereduaren eta hiri-ekonomia eta pertsonak hurbiltzen dituen merkataritza-estrategiaren adierazgarri da”.

Gaztelu Arquitectoseko Koldo Fernandez, proiektuaren sorkuntzaz eta garapenaz arduratu direnak, Vera Estudiorekin batera. Honek, ibilbide bakoitza aurkeztu zuen, ibilbide horiek osatzen dituzten mugarriak xehetasunez erakutsiz, webgune turistikoan oinarrituta.

Ekitaldia amaitzeko, Maizak “Zumarraga Lotuz, besteak beste, helburu komun bat lortzeko jarduera batzuk besteekin elkartzea eta hainbat sektoreren lankidetza” dela azaldu du. “Merkataritza eta Azoka indartu egiten dira elkarren artean, baita Azoka eta ostalaritza ere. Hori dela eta modurik onena, hiru ibilbide horiek aurkezteko, gure ostalaritzaren parte-hartzea izatea zen.

Horregatik, iaz udalak urtero antolatzen dituen bi pintxo lehiaketak irabazi zituzten hiru ostalaritza-establezimenduek beren sorkuntzak aurkeztu zituzten ekitaldi berean. Hirukia Kafetegiko Choni, Saski Tabernako Jenny Vaca eta Sandra Lucía Morales eta Bidezar Tabernako David Revuelta y Mari pintxoak sortzeko prozesua azaldu zuten. Pintxoek ibilbide bakoitzaren funtsa jasotzen dute, tokiko produktuak erabiliz.

Horretan ari dira buru-belarri lanean joan den legealditik. 3.500.000 euro baino gehiago inbertitu dira hiri-ekonomiaren eredu bat eratzeko, non guztiok batu eta lekua dugun. Merkataritza, Azoka, Ostalaritza, turismoa... elkarrekin herriko ekonomia indartzeko.

Horixe da Zumarraga merkataritza eredu digital eta iraunkor baterantz aurrera eginez proiektuaren barruan kokatzen den ekintzetako bat. Erakunde eta eragile askoren inplikazioari esker, eta Next Generation EU funtsen ia milioi bat euroko laguntza ekonomikoari esker proiektu hori aurrera eraman ahal izan da. Hori dela eta, Rosa Maizak eskerrak eman nahi izan dizkie hori guztiei, Basquetourri, bereziki, Zumarraga bezalako udalerri xumeen proiektuen alde egiteagatik eta Euskadik duen eskaintza turistiko handi eta bikain osoan lekua egiten laguntzeagatik.

“Zumarraga da batzen gaituena, Zumarragak eta zumarragarrek ahalegin osoa merezi dute. Hala izan da orain arte, eta horrela izaten jarraituko du” esanez amaitu du Rosa Maizak.