2025·06·06
ZUMARRAGAK GAZTERIA ETA ANIZTASUNAREN ALDEKO APUSTUA EGITEN DU ZINEMAREN BIDEZ
Udalak Zinegoak Zabaltzen ekimenarekin bat egin du, LGTBIQ+ film laburren emanaldia antolatuz ekainaren 10ean Zelai Ariztin, 2024-2027 Gazte Planaren baitan.
Zumarragako Udalak, Gizarte Zerbitzuak eta Berdintasuna Saila eta Gazteria Sailaren laguntzarekin, Homofobiaren aurkako Nazioarteko Eguna (maiatzaren 17a) eta LGTBIQ+ Harrotasunaren Nazioarteko Eguna (ekainaren 28a) direla eta, 2024-2027 Gazte Planaren garapenaren esparruan, aniztasunarekin eta kulturarekin lotutako jarduera bat eskaintzen die gazteei, ikus-entzunezko lan espezializatuen aniztasuna aprobetxatuz. Zinema, kultura eta aniztasuna gazteengana hurbiltzeko asmoz, Zumarragak bat egin du Bilboko LGTBIQA+ Nazioarteko Zinema eta Arte Eszenikoen Jaialdiaren eta Zinegoak Nazioarteko Zinema eta Arte Eszenikoen Jaialdiaren zabalkundearekin.
Zinegoak Hedapena helburu zehatz batekin jaio zen: jaialdian ikusgai dauden lanak udalerrietara zabaltzea. Bigarren helburua, aniztasunarekin eta kulturarekin lotutako jarduera bat eskaintzea da, urtero Zinegoakek sortzen dituen ikusentzunezko edukiak aprobetxatuz.
Aurten Zumarragan, ekainaren 10-ean, arratsaldeko 18:30-tan, Zelai Arizti Zinema Aretoan, dohako 6 laburmetrai ikusteko aukera izango da:
- Arrecife (Esp), Angel Morales Ballesta
- Mdb (Argentina), Mila Aquilia
- Burning inside (Brasil), Enock Carvalho, Matheus Farias
- Inkognita (Eusk), Julen Gorosabel
- Judoka (Eusk), Ander Iriarte
- Azkena (Eusk), Ana Inés Landeta, Lorea Lyons