Zumarragako
udala

Zumarragako Udalak 2026an pantailarik gabeko aisialdi eta astialdiko programazio berezia garatuko du, Haur eta Nerabeen Udal Planaren barruan, hau da, nerabe eta haien familientzako mahai jokoen saioekin, azokako arkupeetan eta Zelai Arizti Kultur Etxean. Ekimenak aurrez aurreko interakzioa sustatzea, gailu elektornikoen aurrean aisialdi denbora murriztea eta jolas partekatuaren bidez garapen pertsonala eta soziala sustatzea bilatzen du.

Iñaki Mendiluce Gazteria zinegotziaren hitzetan: “2025etik aurrera, Gobernu taldeak aurrez aurre begiratzea erabaki zuen, ezikusiarena egiten jarraitu ezin genuen errealitate bati: gure neskato, mutiko eta nerabeek gero eta ordu gehiago pasatzen dituzte pantaila baten aurrean, eta gero eta ordu gehiago aukera gutxiago dira komunitatean partekatzeko, elkarrekin bizitzeko eta hazteko. Ez gara teknologiaz bakarrik ari, loturez, begiradez, denbora partekatuaz ari gara. Horregatik, Jolasenea elkartearekin batera, topaketa fisikorako espazioak bultzatu ditugu, non telefonoak itzaltzen ditugun, askoz garrantzitsuagoa den zerbait pizteko: presentzia. Izan ere, aisialdia ez da luxu bat, ezta kontsumo bat gehiago ere: komunitatea eraikitzeko eskubide eta tresna boteretsua da”. 2025ak harrera ona izan du, 500 parte-hartzaile baino gehiago izan dira 5 saiotan, eta, hori dela eta, 2026an gure lankidetza berrituko dugu.

“Gure helburua argia da: alternatiba erakargarriak, bizigarriak eta bizitzako etapa bakoitzari egokituak eskaintzea, neskato, mutiko, nerabe… eta ile zuri batzuk orrazten ditugunon garapen integralari laguntzeko. Izan ere, jokoak ez du adinez ulertzen. Urteak betetzeagatik ez geniokeelako jokatzeari utzi behar. Gune horien alde egitea gizarte kohesionatuago baten alde egitea da, gizatiarrago baten alde eta ongizatea elkarrekin eraikitzen dela kontzienteago baten alde egitea. Isolamenduaren aurrean, komunitatea. Inertziaren aurrean, parte-hartzea. Banakako pantailaren aurrean, plaza partekatua”, esan du Mendiluzek.

Jolaseneako presidente Juan Manuelen hitzetan: “Mahai jokoak sendotu egiten dira, baita entretenimendutik haratago doan tresna ere. Lankidetza, komunikazioa eta enpatia bezalako gizarte-trebetasunak sustatzen dituzte, sormena, memoria eta pentsamendu kritikoa estimulatzen dituzte, eta plangintza estrategikoa edo baliabideen kudeaketa bezalako gaitasunak lantzeko aukera ematen dute. Hori guztia, lotura komunitarioak indartzen dituen ingurune inklusibo batean”.

Programazioa bi kategoriatan egituratuko da:

1) Aisialdia familian: Guraso eta seme-alaben arteko jolas partekatua sustatzeko sei saio jarduera irekiak egongo dira. Martxoaren 1ean eta 29an, apirilaren 19an, maiatzaren 31n, urriaren 25ean eta azaroaren 22an, igandeetan 17:00etatik 20:00etara azokako arkupeetan.

2) “Blood on the Clocktower” zikloa: Gazteek eta helduek gehien eskatzen duten sozial dedukzioko jokoetako bati eskainitako lau saio, apirilaren 24an, urriaren 16an, azaroaren 13an eta abenduaren 11n, ostiraletan, 18:30etik 20:45era, Zelai Arizti Kultur Etxean. Aldez aurretik, izena eman behar da.

Parte hartzeko pizgarri gisa, bertaratze-txartel bat planteatuko da. Txartel horren bidez, gutxienez sei saiotan parte hartzen dutenek mahai joko baten zozketan parte hartu ahal izango dute. Zozketa azken jarduera amaitzean egingo da. Ekimen honekin, Udalak aisialdi eredu aktibo, hurbil eta hezitzailearekin duen konpromisoa berresten du.