Zumarragako
udala

Euskadi Bono Denda 2020an sortu zen, EAEko tokiko merkataritzan kontsumoa sustatzeko eta suspertzeko, urte horretan Covid-19ak eta ondoren Ukrainako gerrak eragindako testuinguru oso zailaren ondorioz.

Ziurgabetasun handiko testuinguru batean jarraitzen dugu, eta 2023an, interes-tasen igoerak familien zorpetze maila handitzea ekarri du, eta horrek eragin argia izan du kontsumoaren beherakadan hainbat sektoretan eta, bereziki, merkataritza-sektorean.

Gure tokiko merkataritza ez zaio arrotza egin, beraz, Udalak aurreko legealditik garatzen ari den hiri-ekonomiaren eredua garatzeko eta bultzatzeko estrategiaren esparruan, zalantzarik gabe, bat egin du kanpaina deialdi berri honekin; dagokion aurrekontu-aldaketa eginez.

Horrela, Zumarragako Udala 10.000€-rekin atxiki da aurten, eta horri esker, gure udalerriko merkataritza-establezimenduek 109 bonu izango dituzte.

2020an hasi zenetik, udalak 40.000€ inbertitu ditu EuskadiBonoDenda kanpaina honetan. Horri esker, udalerriko batez besteko 40 establezimenduk onura izan dute neurri honi esker urtero, eta udalerrian gutxienez 350.000 euroko gastua atxikitzea lortu da.

Ekimena positibotzat jo dute herriko saltokiek eta, oro har, Zumarragako herritarrek, eta horrek are gehiago animatu du Zumarragako Udala kanpaina berri honetan parte hartzera.

Oraingo honetan Zumarragako 38 saltoki atxikitu dira, 2023ko azaroaren 8tik abenduaren 5era bitartean bonuak trukatzeko. Bonu bakoitzari esker, gutxienez 30 euroko erosketa baterako 10 euroko deskontua lortu ahal izango da, eta 5 bonuko muga ezarriko da, 50 euroko balioarekin, Euskadin bizi den 16 urtetik gorako pertsona bakoitzarentzat. Bonu horiek batera edo bereizita kontsumitu ahal izango dira kanpainari atxikitako saltokietan.

www.euskadibonodenda.eus orrialdean, kanpainara atxikitu diren saltoki zerrenda kontsultatu ahal izango da, eta, gainera, kontsumitu nahi dituzun saltokietako bonuen eskuragarritasunari buruzko informazio eguneratua izango dugu.

Udalak herriko merkataritzan modu iraunkorrean kontsumitzen jarraitzeko deia egin die zumarragarrei, kalitatezko produktuak eta zerbitzuak eskaintzen dituen merkataritza baitugu.